السبت، 28 مايو 2011

my make up

السلام عليكم

هذي صور بعض مكياجي طبعا لاستخدام شخصي لا اكثر ,,,





هذا منظف الوجه الي استخدمه قبل المكياج والي بالنص البيس واخر شي من ماك فوكس لترطيب الوجه بعد الميك اب


هذا تان الجسم الابيض من صالون لان كنت ديما اسوي برونز عندهم والثاني من بادي شوب بس الابيض احسن نوع استخدمته




الفونديشن


اقضلهم وبلا منازع بوبي براون



الكونسلر
احسن نوع جربته HR


باليت ارواج ماخذته من النت


ارواجي الي اكثر شي استخدمهم



هذي هبت البنات هليومين الحمراء السحريه بس انا اكتشفت حمرا احسن منها ولونها حلو ومالها ريحه وتبقي فتره طويله الي لونها
ابيض ماخذتها من نكتار اهي اساساً تستخدم لتوريد المناطق الحساسه بس انا استخدمها لشفايفي وايد حلوه انصحكم تاخذونها



الارواج الي هابه فيهم هليومين



بسسسسسس هذا اخطر لون لونه روعه زوغه يهبل بصراحه ما اعرف اشلون اوصفه بس لمن احطه الكل يسالني عنه وريحته حلوه مثل الحلاوه احسن من ماك هلماركه



هذي الوان الارواج علي يدي والرواج الي اتكلم عنه اهو اخر واحد ع اليمين

محددات الشفايف انا مو مكثره منهم لان ما استخدمهم وايد


قلم تحديد الحواجب من لانكوم والوسطي مادري من وين بس لاباس الخافي الي فيه حلو وتاتو ماك اب فور افر غني عن التعريف


المسكرات واحسن شي استخدمته لانكوم وانشاء الله قريب بجرب كلينك لان وايد يمدحونها اما ماكس فاكتر اتنشف الرموش وتطيحهم


الكحل القلم.. الي ع اليسار البيج حلوين داخل العين يعطون وسع والي بالنص من لانكوم الازرق لاباس فيه بس الي جنه الكبير شوي احسن منه وكحل لانكوم الاسود جدا عادي وكان المفضل عندي سمايلنج لين حصلت كحل احسن منهم كلهم اسود فاحم شي مو طبيعي
اسمه قولدن ليدي ,,

الكحل السائل..الاثنين الي ع اليسار لانكوم والاثنين الي بالوسط احسن نوع استخدمته احسن من كل الماركات لان كان المفضل عندي لانكوم ليما حصلت كحل اسمه لوك اما الي ع اليمين واحد من الهند فاشل والاخير من امازون وكان وايد عليه مدح بس طلع جداَ فاشل


الاضائات والقلترات,,بصراحه وايد عندي بس بكلمكم عن المميزين بالنسبه لي الطويل الي ع اليمين من النت حلو للاعراس والمناسبات والي جنه قلتر من ماك ما جربته للحين بس احس انه عادي ورقم  5 و 6 من مكياجي جدا عادين عموما انا ما احب القلتر وايد عشان جذيه عندي وايد لان ما استخدمهم الا بالمناسبات 


البلشرات .. احب الي اتكون فيها اضائه شوي بتحصلونهم في حميد تريم احسن شي و البلاشرات المات احسن نوع من ماك


اضأت الوجه للبرونز،، 


وهذااااا عشقي الي ما استغنه عنه استخدمه حق وجهي كامل بالفرشاه من احطه يسالوني شنو بودرتج او شنو او الفونديشن
بسسس سري هذا جارنيررر بصراحه يعطي لمعه مع سمار خفيف للوجه خيالي


هذي البودره العاديه انا تقريبا نص بودرات جربتها جربت مكس فكتر  جربت ماك وجربت كنبو جربت ديور شانيل كلنك بوبي براون لانكوم بس بصراحه ما انفعتلي الا مكس فاكتر حتي عندي منها 2 وعلي فكره بشره عن بشره تختلف ممكن ما تناسب احد ثاني


اللوز باودر ,, افضل نوع بوبي براون



واخر شي الي ع اليمني كان ديود رونت هذا قلتر للجسم ريحته حلوه ينحط ع الصدر والجسم والثاني الي ع اليسار هذا عشقي من كانبو اضائاه تحت العين والخد ررروعه شويه عليه


END.. :)








my niles polish







new color




بعض الالوان علي ايدي ..




الأحد، 15 مايو 2011

M.A.C summer collections

M.A.C ... Simply speachless to their Spring summer collections!
I'm M.A.C Addict!!!!
 

(أغلى حقيبة يد من الذهب الخالص ومرصَّعة بآلاف الألماس واستغرق صُنْعها 4 أشهر بيعت في جده بـ 14 مليون)



خالد علي – سبق – جدة: تشهد مدينة جدة غداً الاثنين عَرْض أغلى حقيبة يد نسائية في العالَم؛ تبلغ قيمتها نحو 14 مليون ريال سعودي.

وصُنعت الحقيبة يدوياً في فرنسا على شكل قلب من الذهب الخالص من عيار 18، ورُصِّعت بـ4.517 قطعة من الألماس، و105 ماسات صفراء، و56 ماسة زهرية اللون، و4356 ماسة حيادية اللون، فيما يبلغ وزن الألماس الإجمالي 92.318 قيراطاً، كما استغرق صُنْعها أكثر من أربعة أشهر على أيدي عشرة من أبرز الصانعين المهرة في العالَم.

وأُطلق اسم "ألف ليلة وليلة" على الحقيبة، وسُجِّلت في موسوعة جينيس للأرقام القياسية بوصفها أغلى حقيبة يد في العالَم.
وتُعرض الحقيبة ضمن فعاليات المعرض الثاني الدولي للمجوهرات "صالون المجوهرات" بفندق هيلتون - جدة لمدة أربعة أيام، بمشاركة أكثر من 65 عارضاً محلياً وعالمياً.